اليوم صايرة معي مواقف قلت احكيها لكم ..
الطابور الصباحي ..رغم انه ممنوع ادري لكن ابلة الناظرة تقول الطابور طابور لو الموت بعروقنا موب خنازير
المساعدة الاولى في الطابور لابسة اصفر يالبى الاصفر ياناس وتقول للبنات ممنوع الجاكت الاصفر واللون الاحمر والزهر واللي تخالف تري يسحب منها الجاكيت وخلها تموت !!!
رحت لمها قلت لها لو اجلتي التنبيهات ليوم تكوني لابسه فيه اسود !!!
سلك التعليم مو حي الله سلك لازم تتكلم وانت قد الكلام والا السكوت افود مع اني اشوف مساعدتنا شخصيه عمليه ومثابره لكن اليوم كانت كبوتها ...
بالنسبة لي اليومين هذي محظوظة ومبروكه صايره من اسعد الكائنات الحيه رحت بالمحمول وعندي حصص لازم استخدم فها العرض ومن زين الحظ مافي كهربه قضينا الى الحصة الرابعه في الظلام قلت للبنات معليش حصة علم نفس رومنسيه ناقصنا الشموع ونسبل لبعض ...
دخلت ثاني ادبي اول وشرحت الدرس وانا اشك ان البنات نايمين وما فاقوا الا من خويتهم هايدي تطق الباب تبي تدخل الفصل قلت لها وين كنتي قالت معايده ... معايده .... قلت اها تفضلي .. بالحصة اللي بعدها كان عندي احتياط لقيت هايدي برضه داخله الفصل وهو موب فصلها قلت اش عندك هنا قالت ابد ياابله معايده ... معايدة .. الطالبة هذي طول النهار تمشى في الممرات بس لاتفهمونها غلط ترى معايده ... معايدة
موجهة الجغرافيا مدرعمة تاني يوم بعد الأجازة تبي تحضر حصة لابله مسطحات لكنها اضطرت انها تغادر بكل حفاوة وتكريم لما لقيتنا في الظلام .. واختصرت اللقاء على زيارة تفقديه لاحوال الرعيه والله يخلف على الرعيه نعلبوا ابليسكم مدرسة في موقع مثل هذا طافيه اللمبات اربع حصص ونص
والمشكلة مافي مطر ولافي حر شديد يعطل الشبكات اجل وش يسوون بالقرى والهجر يامال الخنازير .
ليست هناك تعليقات:
إرسال تعليق