رجال برتبة... عشاق

الكل يعرف العشيقه والحضن الدافي الثاني بالبيت السعودي ... لا يكاد يخلو بيت من الخادمة
ورغم كل عيوبهن ومشاكلهن المسموعه والمرئيه من تعاملهن مع افراد العائله الى مايتركن خلفهن من اثار سيئه ومسموعات مخيفه الا انها تعد عشيقة الرجل السعودي والحضن الدافي له ..


قبل شهر رمضان الكريم الله يعيده علينا وعليكم يارب بصحة وسلامة تفأجاء احد مسؤلي مكاتب
الأستقدام بردة فعل احد المستقدمين اللي صرخ بوجهه لما شاف الخادمة سمينه ولا تملك مقومات الجمال
المنشوده في الخادمات بالوقت الحالي .. وبدون تردد قال لصاحب المكتب ماابيها السمينه هذي ماهوب
كافي اللي بالبيت ... ( مانيب ناقص ) !!


ولو تسال كيف تمر الطلبات على مكاتب الاستقدام لقيت العجب من الشروط ... يعني
يطلب خادمه ... بنت و صغيره ولازم تكون مملوحة على قولتهم و يطلبها بيضاء ورشيقه
يعني الحقيقه مواصفات عالميه .. هذي اعرس عليها بدل ماتجيبها خدامه ..


اللي يجرد الرجال من تفكيرهم هي شهواتهم اللي تندفع احيانا بدون وعي منهم وتفضحهم وهم
مستورين برحمة من ربي .. وتخلي الرجل ينقص من قدره وقيمته بأنه يتخذ من خادمه الحب الحقيقي ..


بغض النظر عن تولي الخادمات للاعمال المنزليه وحتى لو افترضنا انها هي الجندي المجهول
او حتى المعرووف بالبيت وأن المعزبه ماهي يم الرجل ولا تدري عنه .. كيف لرجال يبذلون احاسيهم لـ خادمه ..


وهذا النوع من الرجال يمتلك شخصيه مراوغه وحيل واكاذيب واتوقع اقل ما يمكن ان نسميه
بالزير سالم .. زير النساء ..


ويمكن تلاحظون ان هذولا الرجال الله معطيهم زوجات جميلات ومتعلمات ولاحاجة تجبرهم للسفاسف
والرمرمه ..


واللي يزيد البلا ان الخادمه تتفاخر بالكلام هذا بين بقية الخادمات وتصير ريحته فايحه في كل بيت
وعند جماعته وهو مايدري مفكر حاله جاب الذيب من ذيله ..


والموووووداام حفظها الله نايمه على اذنها وماهي داريتن عن الدنيا ولا وش اللي يصير بالضبط وماتدري ان
الليل ستار الخادمات في احضان الرياجيل ..


بالفتره الاخيره كثرة الظاهره هذي وتزايدة وكثير مانسمع شاب هندي عثر على والده السعودي
بعد 25 عام .. او فتاة سعوديه من أم تايلنديه تجد والدها بعد عشرين عاما ..
وماخفي كان اعظم ..