تغطي يــــامره....

من يوم مااستحدثت وزارة الداخلية بطاقة الاحوال للنساء وسلخ البنت بسن معين من كارت العائلة ونحن
نتوجس ان الموضوع ليس مجرد لتسهيل الاجراءات وانما المخطط يصل لاعمق من هذا ..

زامن هذا الاستحداث ظهور فكرة سواقة السيارة للنساء .. واخذ وعطى بالموضوع ومؤيدين ومعارضين
لكن الفكره لكشف الحجاب للنساء اصبحت واضحة اكثر مما سبق ..

وصلنا اليوم للجامعه المختلطه وان كان طلابها من الفئة الناضجه فكريا الا ان نقول الشيطان مامات ,,
واصبح عندنا شك في ان البنت تتمسك بحجابها او انها تواجه الموجه العاليه القادمه من اختلاط وقيادة
السياره ..

كل هذا يخلي الرجل اللي عاش عمره على سياسة تغطي يامره يواجه مشكله كبيره قد تهزء ثقته بمن حوله من نساء وتخليه بمثابة الحارس او البودي قارد للمن معه من نساء ..

حابة استعرض تاريخ العباية بشكل سريع .. بالفعل جداتنا ماكانوا يعرفون العبايه ويكتفون بغطى الراس
وثوب فضفاض يغطى الجسد بالكامل بحيث ماتظهر مفاتنها وتجالس القريب والغريب والحاكم هو العادات
والتقاليد والثقة المتبادله بين الناس عامه والازواج خاصة .. لما جات الصحوه الدينيه استحدثت العباية
وكان الرجال اكثر من استحسن الفكره وشجع عليها والزم المره على العبايه والغطى لارضاء رغباته
ولي اعطائه الاطمئنان النفسي تجاه شكه المبطن من زوجته وامه واخته ومن يحيط به من نساء ..
والمره انصاعت لمطالبه واتخذ الرجل الدين سلطة اقوى من سلطة العادات والتقاليد ، المهم ان العبايه
والغطى اخذت اشكال كثيره ( عباة وغطى كامل ، عباة كتف ونقاب ، عباة كتف وبرقع ، او الصقر
ثم عباة مطرزه وملونه الاكمام والخلفيه مع لطمه )

بصراحة الحريم حبو الاشكال الاخيره للعباة ولقيت استحسان الصغيرات والكبيرات وصارت بديل للفستان
بالافراح والمناسبات وصرخات الموضه اللي وصلت للعباة والتقليد كان سبب في التدرج الواضح على
تغيرات الطارئه على البعاة ، علما بأن العباة هي علامة فارقه للسعوديات دون غيرهم من سيدات العالم
الا انهم استغلوا علاماتنا الفارقه في تلاعبهم باافكارنا وتهميش فكرة العفه والطهاره والستر بنظر الكثيرين
والرجال مااتخذوا اي تصرف تجاه الحرب المعلنه علينا .. انتهى



الان شئنا ام ابينا نزع الحجاب قادم اليوم بكره مااحد يدري وسواقة السيارات لا محاله قادمه واي
اعتراض من الرجال بطاقة احوال النساء كفيله برميه بالسجن لانه تعدى على سيده بلغة السن النظامي
لتحمل المسئوليه !!

والاكيد ان الخسائر راح تكون كبيره في هذا المجال لكن بالمقابل مااحد يحب ان بيته يهدم وحياته
تتلخبط وتتشتت لهذا السبب فااحب اعرف استعديتوا لتلك اللحظات واش في بالكم راح تكون
سياستكم بوقتها غير تغطي يا مره .. علما بااننا نكشف الغطى بالسفر اذا كان بر وبداخل السعوديه .. ونكشف الغطى بالمطعم المغلق
ونكشف الغطى عند الطبيب المعالج في بعض الاحيان ..


اتوقع ان المفروض على الرجال ان يطبقوا سياسة تحشمي يامره وان يعلمها كيف تصون نفسها
بدون عباة سوداء او حتى غطى .. لكن كيف ؟؟ وش الطريقه اللي راح يتبعها الرجال مع زوجاتهم
واخواتهم بعد كشف الغطى والسواقه ...