لا تلحسه كله +18

أول مره استخدم +18 لكن للمعلوميه الموضوع اباحي المره هذي واللي يستحي يفارق من الان !!

من باب العيش والملح اللي بيننا .. المثل يقول ..
آمر ونحن نطــامر !
و بعد المثل يقول لاصار صاحبك عسل لا تلحسه كله ..
بقي يوم ويُفك الحظر عن الجاسرية حاسبتهم يوم يوم وساعة ساعة كأني في سجون بريمان والا الحاير مع أني ما تركت الشوق يلعب بي ولا بيكم ..
وهذا من فضل ربي ان كان لنا في العون وللطاردين بالمرصاد .. خشمك يالمشاعر ابوسه .. ادري واجد السماجه

بما ان اليوزر ( مذكر ) بآآآخذ راحتي .. بعض سوالف الشباب بالمنتدى تصببني عرق اذا قريتها واحيان اقول بخاطري شكله يكتب من فراش الزوجيه ومن وسط الحدث !!!
اضحك وتحكني رجليني واصابعي ابي ارد عليه على نفس الايقاع يمكن يطلع معنا شيء جديد .. ومراريت ارد ومراريت اكفي الشر ..

افتتاح ومنفتحه وافتتاحية .. كلها تدل على المرأة المعاصرة واللي تخوض بكل شيء دون تحرج وتتحدث عن العانه كجهاز تناسلي وليس كا ناغز أو كُبس شهوه مثلها بهالحاله مثل طبيب النساء والولاده يدخل على حريمنا وهن بليا سراويل ويشوف كل ابو شيء ثمين وغالي ويكتب الله على يده الشفاء والولاده ويظهُر كأنه ماشاف شيء مايحق له شوفته .. يعني الضرورات تبيح المحضورات هذا مبدأ البنات بالحكي اللي يزود عن الخطوط الحمراء ومبدأ الماخوذه هند الفايد الخاص الاسبشلي ..

اتفق معاكم أنه عيب وشق جيب وانه قلة حياء ومايصير البنات يحكن بكل سالفة بالذات اذا اعرفن ان الشباب تقوطر من كل مكان اذا شافوا هالمواضيع ..

لكن سؤال مجتمعنا مكون من ذكر +انثى + سرير + = بزارين ( للبطارى )
ومكون أيضا من انثى + ذكر + طراحه += بزارين ( للغلابه )
بزارين السرير + بزارين الطراحه خليط (بنات واولاد )

تقسيم شجري راح اعملكم
ذكر انثى

انثى ذكر
تتزواج هالذكور والاناث لتكوين مجتمع .. حتى يكون المجتمع في حالة تحسن دائم لابد من عرض كل امراضه للنقاش من اول مشكلة قد تحدث ليلة الدُخلة الى اخر مشكله عند الموت والنزاع على الميراث ..

الايمان الدائم بالمسلمات وان لا نقاش فيها وجعل كل موضوع حساس في نطاق المسلمات خطأ يجعل المرض بالمجتمع مستعصي ومزمن لا يسهُل حله وقد لا نستطيع حل أي مشكله فيه لاننا اعتمدنا ماهية التسليم والرضا والخنوع لهالمشكله وان المخرج عاوز كده !!

طيب الى متى يا جماعة الخير ؟!

كل مشاكلنا اليوم تدور حلو بيت الزوجيه ولابد ما يكون له طرف والا يد بالمشكله ممكن تكون خلل في التربيه أو في المعتقدات أو في الاساليب المتبعه في البيت .. وممكن المشكلة من الانثى وممكن المشكلة من الذكر قضايا الاسره مختلفه ومتشعبه ومؤثره على الابناء اللي هم لبنة المجتمع والجيل القادم فإذا كل موضوع بأعتبره من المسلمات ولا اقبل النقاش فيه من باب الحياء أو الخوف من الخروج عن الملة هذا خطاء نحن نستدل على الخالق ونتجه له بالبحث .. وبعد مناقشة قضايا الاسرة وبعض مفاهيم البنات والشباب عن الزواج والحياة الزوجيه لا يعتبر من الامور المنهي عنها ..

بكره راح تنزل ماده بالمدارس عن الحياة الزوجيه وتهيئة الجنسين للحياة الزوجيه الازليه كيف بالله راح تكون ردود فعلكم .. اذكر درس بالاحياء ايام الثانوي مرسوم به المهبل الابله قالت هذا مشروح ليه مشروح ؟؟ الابله تستحي والبنات بدري عليهن هالسوالف .. طيب وبعدين ؟ !!
الى متى ؟!!

من ناحية أخرى مناقشة الامور السياسية من حقنا .. مناقشة الامور التعليمية والصحية والمواصلاتيه وحقوقنا بالجوالات والاسعار والرياضه نصيبنا من الدنيا الله عفا لنا فيه وسمح لنا نآخذه لكن خذ نصيبك كأنك تموت غدا تذكر الله عند كل حرف ومن حقنا نفضفض لبعض نطرح وجهات النظر ونناقشها بدون تخوف أو حتى مبالغة .. مانبي واحد( يقول والله الملك مادرى عنا ) والا يقعد يذب هرج على الحكومه ما ينفعش ... لكن لا نقعد نسب ببعض كاننا زيود كاننا لبنان .. واللي يبدأ تراه يستاهل ما يجيه .. كلنا متربيين وكلنا ولاد ناس ولا فينا لقيطه ولا فينا شاري للجنسية .. وكلنا بعون الله نفدي الوطن ونحب الحكومه الله يطول باعمارهم وكلنا عيال حموله وقبايل وراعين فزعات وكل ابو شيء طيب فينا ..

لكن مايمنع ان بيننا مشاريه وزلات ومفاهيم خاطئه لابد من توعية العربان فيها ومناقشتها ولا حياء في الدين ..


والله احبكم الله ينعن جدفكم لكن اضطريتوا سعادتنا للسوالف الساقطه والمجالد معاكم ..
من مصلحتي تحبوني مأنكر هالشيء لكن ما خليتوا لنا درب نتصافيى معكم منه وحتى اتقبل منكم النقد الهادف وليس الهادم وكل من ينقد نقد هادم جعل الله لا يوفقه ويهدمها بوجهه وين ما وجه ( دعاوي عجايز ) لاننا نسعى للبناء ونوايانا سليمه من جهتكم ولا بيننا ثار الحمدلله و المفترض نعلن هُدنه بيننا بدال النزاع والخصومات بين الاقليات الهنديه المسلمة ..

وكل يوم ما تجي الاصابات الا فيني اما مربوطه والا مطروده والا محوله انوثتي الطاهره الى ذكوره خشنه


مشكلة أي مواطن( اجتماعية ، سياسية ، دينية ، اقتصادية .... ) حتى تنحل تحتاج للنقاش حتى نصل لحل ، والامر في النهاية ياجماعة الخير لا يُعد سوى وجهة نظر واجتهاد كتبها كاتب الموضوع لابد أن يُحترم ويخالف لو وُجد الخلاف بطريقة محترمه بالنهاية الامر للمتلقي وله الخيار في تقبلها أو رفضها وأعتبر ردودكم هي الفاصل في الامر وكل مكان وكل بيت له مايناسبه وما يضره خذ ما يفيدك واترك ما يضرك ..

لكن لا تحصروا انفسكم في مواضيع محدوده من النقاش .. ولا تتكلفوا في الاساليب كل ماكن الموضوع بسيط وعامي جذب الاغلبية وحببهم في النقاش ..

ما يطلبه المشاهدين للجميع ومن حق الجميع طرح مواضيع في كل اتجاه المهم المناقشة تكون بطريقة مهذبه وبوعي وبدون ملاقط بين البنات أو الشباب أنتوا كبرتوا على سوالف البزران وكل واحد يقول أنا اللي قلته قبلك .. مايصير أكبر شريحة بالمجتمع مستخدمه للنت هم الطلاب من جميع المراحل جامعي ،، ثانوي ،، ومثقفين وعاملين يعني عالم فاهمه بأن المجتمع مكون من وعيهم وثقافتهم فلابد يفيدوا ويستفيدوا من هالناحية .




وش تبوننا نناقش اذا هذا المواضيع الاجتماعية عيب وذاك الدينية حرام وهذا وشسمه السياسية نخاف من الحكومه وبريمان .. ياخي اغلقوا كواليس وفكونا بلا مواضيع بلا صجه v v v